card
  • Бид Олон Улсын Чанарын менежментийн ISO 9001:2015 тогтолцоог нэвтрүүлэв.

        МТЭЭ ХХК нь Олон Улсын Чанарын менежментийн ISO 9001:2015 тогтолцоог ажил, үйлчилгээндээ хэрэгжүүлж 2019 оны 12 сард албан ёсны батламжийг гардан авлаа. Бид олон улсын менежментийн тогтолцооны шаардлагуудыг үйл ажиллагаандаа нэвтрүүлснээр үйлдвэрлэл, үйлчилгээнийхээ чанарыг сайжруулах, тасралтгүй хөгжих, цаашид урт хугацаанд тогтвортой, үр өгөөжтэй оршин тогтнохоор тэмүүлж байгаа ба улмаар МУ-ын хөгжилд жинтэй хувь нэмрийг оруулах алсын зорилготой ажиллаж байна.

 

  • Тоос дарах урвалж /F13S/ үйлдвэрлэж эхлэв.

     МТЭЭ ХХК-ийн сүүлийн жилүүдэд онцгойлон анхааран ажилласан чиглэлүүдийн нэг бол уул уурхайн үйлдвэрлэлийн явцад үүсч буй тоос, тоосжилтыг бууруулах урвалжийг зах зээлд нийлүүлэх, үйлдвэрлэх ажил байлаа. Бид 2019 онд Өмнөговь аймгийн Ханбогд суман дахь өөрсдийн ажлын талбайд тоос дарах урвалжийг үйлдвэрлэх үйлдвэрийн цехийг барьж ашиглалтад оруулсан ба холбогдох мэргэжлийн ажилтнуудтай хамтран ажиллаж, холбогдох туршилт шинжилгээнүүдийг хийснээр “Тоос дарах урвалж”-ийн үйлдвэрлэлийг эхлүүлж, бүтээгдэхүүнээ зах зээлд нийлүүллээ.

Бидний үйлдвэрлэн гаргаж буй урвалж нь хөөс үүсгэж тоос, тоосжилтыг цуглуулах замаар тоосжилтыг бууруулах бөгөөд энэхүү урвалж нь хүний эрүүл мэнд болоод байгаль орчинд хоргүй, тэсэрч дэлбэрэх аюулгүй, эдийн засгийн хувьд өртөг өндөр биш, тээвэрлэлт болоод хадгалалтын онцгой нөхцөл шаарддаггүй, үр дүн өндөртэй зэрэг давуу талтай.

МТЭЭ ХХК нь бүтээгдэхүүн, үйлчилгээний нэр төрлийг нэмэгдүүлэх, чанарыг сайжруулах тал дээр энэ чиглэлийн туршлагатай дотоодын болон гадны компаниудтай хамтран ажилладаг. Бид цаашид бүтээгдэхүүний ашиглалттай холбогдох дагалдах тоноглол, үйлчилгээг мөн зах зээлд нийлүүлэхээр зорьж байна.

Бид “F13S” бүтээгдэхүүнээ Оюу толгой төслийн Баяжуулах үйлдвэрт нийлүүлж байна.

Доорхи зургаас үйлдвэрлэлийн дамжлага дээрх тоосыг бууруулсан байдалтай танилцана уу.

F13S урвалжийг ашиглахаас өмнө

F13S урвалжийг ашигласны дараа

 

  • 2019 онд Хөлддөггүй шингэн буюу ТОСОЛ үйлдвэрлэж эхлэв.

МТЭЭ ХХК нь 2019 оны 9 сараас эхлэн хөргөлтийн хөлддөггүй шингэний үйлдвэрлэлийг ашиглалтанд оруулан дараах нэр төрлийн бүтээгдэхүүнүүдийг айл өрх, албан байгууллагын халаалт, дулааны асуудлыг шийдэх зорилгоор үйлдвэрлэн нэр төрөл, тоо хэмжээг өргөжүүлэн ажиллаж байна.

Манай бүтээгдэхүүн нь ОХУ –ын “ГОСТ 28084 – 89” стандарт, норматив техникийн баримт бичгийн шаардлагыг хангаж байгааг МУ-ын стандарчилал хэмжил зүйн газраас батлуулж холбогдох гэрчилгээг хүлээн авсан.

  • 'Hot house’ нэрийн хоёр төрлийн найрлагатай ахуйн тосол
    • -30ОС хэмд хөлдөхгүй этиленгликольд суурилсан
    • -35ОС хэмд хөлдөхгүй Техникийн спирт агуулсан
  • 'Power’ нэрийн–40ОС хэмд хөлдөхгүй авто машиний хөдөлгүүрт зориулсан хөргөлтийн шингэн

Үйлдвэрлэлийн хүчин чадал

  • Ахуйн зориулалттай хөлддөггүй дулаан зөөгч шингэн (тосол): Өдөрт 2.0 - 3.0 тонн
  • Автомашины хөргөлтийн шингэн (автотосол буюу антифрийз): Өдөрт 0.8 - 2.0 тонн

Давуу тал:

Бид хэрэглэгчийн хэрэгцээнд тохируулан (- 56ОС) хүртэлх хэмд хөлдөхгүй байх хөргөлтийн шингэнийг үйлдвэрлэн 1 кг, 5 кг, 10 кг-ын багтаамжтай, өөрсдийн үйлдвэрлэсэн дахин боловсруулсан хуванцар саванд савлан худалдаалж байна.

Мөн хэрэглэгчийн хүсэлтийн дагуу 1000 кг хүртэл хэмжээгээр савлан борлуулах боломжтой.

Химийн бодисын агуулахууд болон үйлдвэрийн байр

 

  • Шагнал, урамшуулал

МТЭЭ ХХК нь 2018 онд  Чингэлтэй дүүргийн  “ШИЛДЭГ НИЙГМИЙН ДААТГАЛЫН ШИМТГЭЛ ТӨЛӨГЧ АЖИЛ ОЛГОГЧ”  аж ахуйн нэгжээр шалгарсан.

 

2019 онд залуу эрдэмтдийг дэмжигч байгууллага

 МҮХАҮ-ийн танхимаас зохион байгуулдаг оны шилдэг аж ахуйн нэгжийг шалгаруулах “Entrepreneur – 2019” арга хэмжээний шалгаруулалтанд оролцож Өмнөговь аймгийн шилдэг “Инноваци нэвтрүүлэгч байгууллага”- аар шалгарсан.