МТЭЭ ХХК-ийн 2019-2020 оны “Говийн химич - Оюутны тэтгэлэг” хөтөлбөрийн ялагч оюутнууд батламжаа хүлээн авлаа.

Майнинг Технологи энд Экуйпмэнт ХХК нь Өмнөговь аймгийн Ханбогд сумын нутаг дэвсгэрт үйл ажиллагаагаа явуулдаг бөгөөд компанийн нийгмийн хариуцлагын хүрээнд, орон нутгийн боловсрол, нийгмийн чиглэлд дэмжлэг үзүүлж, Өмнөговь аймгийн харьяат Хими технологийн чиглэлээр амжилттай суралцаж байгаа оюутнуудад зориулсан 2019 - 2020 оны хичээлийн жилийн Говийн химич - Оюутны тэтгэлэг” хөтөлбөрийг зарлаж амжилттай хэрэгжүүлэв.

МТЭЭ ХХК нь энэхүү тэтгэлэгт хөтөлбөрийг 4 дэх жилдээ явуулж байгаа бөгөөд энэ удаагийн хөтөлбөрийг МҮХАҮТ-ын Өмнөговь аймаг дахь салбар танхимтай хамтран Өмнөговь аймгийн Хими технологийн чиглэлээр суралцаж байгаа нийт оюутнуудын дунд зарласан билээ.

2019-2020 оны хичээлийн жилийн тэтгэлэгийн шалгуурыг хангаж, тэнцсэн Өмнөговь аймгийн Ханбогд сумын харьяат, МУБИС-ийн Математик Байгалийн ухааны сургуулийн, Химийн багшийн 4-р курсийн оюутан Үнэнболдын Энхтайван, Ханхонгор сумын харьяат, МУИС-ийн Хэрэглээний шинжлэх ухаан, инженерчлэлийн сургуулийн, Химийн Инженерчлэлийн 4-р курсын оюутан Батбаатарын Сайнчимэг нарт МТЭЭ ХХК-ийн удирдлагын зүгээс баяр хүргэж, тэтгэлэгийн батламжийг гардууллаа.

Шалгаруулалтад оролцсон бөгөөд тэнцсэн оюутнууддаа сурлагын өндөр амжилтыг хүсэн ерөөе.


ҮЛ ЭВДЭХ СОРИЛ

 ХИМИЙН БОДИС

 

МАНАЙ ХАРИЛЦАГЧИД